زانیاریی خێرا: بەرنامەی هەستانەوە و وەڵامدانەوەی قەیرانی عێراق ICRRP

15 May 2016
image

پوختە

عێراق دووچاری قەیرانێکی گەورەی سیاسی و ئاسایش بۆتەوە. لە کانونی دووەمی ٢٠١٤ەوە، زیاتر لە ٣.٢ ملیۆن کەس لە ماڵ و حاڵەکانی خۆیان هەڵاتون بەهۆی دەرەنجامی ڕاستەوخۆی توندوتیژی و ململانێکانی پەیوەست بە داگیرکردنی ئەو ناوچە زۆرە لە لایەن دەوڵەتی ئیسلامی لە عێراق و شام (داعش)ەوە. سەرباری ئەمە، ٢٥٠،٠٠٠ پەنابەری سوریی ڕایانکردوە بۆ هەرێمی کوردستانی عێراق KR-I.

 

بەپێی پلانی بەدەنگەوە چوونی مرۆیی عێراق ٢٠١٦ HRP، زیاتر لە ٩.٣ ملیۆن کەس لە عێراقدا پێویستیان بە پاڵپشتیی مرۆیی دەستبەجێ هەیە. دۆخەکە بەرەو ململانێیەکی درێژبۆوە سەردەکێشێت و ژمارەی ئاوارەکانی ناوخۆ پێشبینی دەکرێت لە داهاتویەکی دیاردا زیاد بکات.

 

بۆ وەڵامدانەوەی قەیرانەکان، UNDP بەرنامەی هەستانەوە و وەڵامدانەوەی قەیرانی عێراق ICRRPی پەرەپێداوە، کە کاردەکات لە بنیادنان لەسەر ئەو ئەزمونەی هەیە و وەکو بنەمایەك بۆ کارکردن لەسەر ساڕێژبونەوە و ئەجێندای هەستانەوەی زووی وڵاتەکە دەکات.

خاڵە بەرچاوەکان

  • ٧٢،٠٠٠ کەس سودیان لە دابینکردنە باشترکراوەکانی خزمەتگوزاریە بنەڕەتیەکان وەرگرتوە
  • ٢٣،٥٢٠٠ کەس (40% مێینە) ژیانیان باشتربووە لە دهۆک و هەولیر و سلێمانی و بەسرە و نەینەوا
  • ٥٠٠٠ پەنابەری دۆخناسکی سوری و ئاوارەکانی عێراق بە قوربانیای توندوتیژیی ڕەگەزیی و سێکسیشەوە پاڵپشتیی یاساییان وەرگرتوە