هەرێمی عەرەب بەرەوپێشچوونی بەدەستهێناوە لە زۆربەی بوارەکانی ئامانجەکانی پەرەپێدانی هەزارەدا، بە هەنگاوی گەورەوە لە تەندروستی و پەروەردەدا. بەڵام سەرباری هەوڵی وڵاتە عەرەبیەکان، هێشتا لەمپەر و بەربەست بەهۆی چەند هۆکارێکەوە هەن، وەکو باری خراپی ئابووری لە ساڵانی نەوەدەکان و سەرەتای ٢٠٠٠ و دارایی نەگونجاو بۆ ڕێسا کۆمەڵایەتیەکان و زیادبوونی ململانێ و گرژییەکان. هەرێمی عەرەب بەردەوام بەوە ناسراوەتەوە کە جیاوازی زۆر گەورە هەیە لە نێوان وڵاتانی داهات بەرزی ئەنجومەنی هاریکاریی کەنداو (GCC) و وڵاتانی عەرەبیی کەمترین پەرەپێدراو (LDCs).

ئەم جیاوازیانە تەنها لەڕووی ئاستی پەرەپێدانەوە گەورە نین، بەڵکو لەڕووی بەرەوپێشچوونی ئامانجەکانی پەرەپێدانی هەزارەشدا بەهەمان شێوەن. لەکاتێکدا وڵاتانی GCC لەسەر ڕێچکەن بەرەو بەدەستهێنانی زۆربەی ئامانجەکانی MDG، بەڵام وڵاتانی LDCs کە زۆربەیان بەدەست ململانێوە دەناڵێنن پێکەوە لەگەڵ عێراق و ناوچەی داگیرکراوی فەلەستینیی، زۆر لە دواوەن و لەوەدەچێت نەتوانن زۆربەی ئامانجە سەرەکیەکان بەدەستبێنن تا ٢٠١٥. ئەم جیاوازیانە پێکەوە لەگەڵ جیاوازیەکانی ناو وڵاتەکاندا زۆر بەرچاون بۆ هەڵسەنگاندنی کاریگەریی قەیرانەکانی دارایی و سوتەمەنی و خۆراک لە ڕووی بەدەستهێنانی ئامانجەکانی MDG کە خاڵی جەختی ئەم ڕاپۆرتەیە.