سه‌رکه‌وتنی پرۆسه‌ی هه‌ستانه‌وه‌ له‌ به‌سره‌: هه‌زاران ئاواره‌ی ناوخۆ و ئه‌ندامانی کۆمه‌ڵگه‌ی خانه‌خوێ له‌ وێستگه‌ی نوێی ئاو سوودمه‌ند ده‌بن

Water plant opening Basra
وێستگه‌ نوێیه‌که‌ی ئاو هه‌لی کار دابین ده‌کات بۆ یارمه‌تیدانی بژێوی ئاواره‌کانی ناوخۆ و ئه‌ندامانی کۆمه‌ڵگه‌ی خانه‌خوێ له‌ به‌صره‌. وێنه‌که‌ گیراوه‌ له‌لایه‌ن‌: به‌رنامه‌ی نه‌ته‌وه‌یه‌کگرتووه‌کان بۆ په‌ره‌پێدان (UNDP) عێراق / 2016

به‌سڕه‌، 2 شوبات 2016 -  حسێن سلیم که‌ کرێکارێکی نیشته‌جێی ناوچه‌ی کامپی 5 میله‌ بۆ ئاواره‌کانی ناوخۆ له‌ بصره‌ وتی "من و خێزانه‌که‌م ماوه‌یه‌کی زۆره‌ له‌م ناوچه‌یه‌ ده‌ژین. ده‌ستکه‌وتنی ئاوی پاک بۆخواردنه‌وه‌ و به‌کارهێنانی تر قورس و گران بووه‌." هه‌روه‌ها سه‌باره‌ت به‌ کردنه‌وه‌ی وێستگه‌یه‌ک بە سیستەمی (RO)ی ئاوی نوێ له‌بازاڕی میللی العصری له‌ به‌رواری (1) ی شوبات، 2016 وتی "ده‌توانین به‌هۆی ئه‌م پرۆژه‌یه‌وه‌ بێین بۆ ئێره‌و نرخێکی گونجاو وه‌رگرین له‌به‌رامبه‌ر بەکارکردنی ڕۆژانه‌مان." 

خاڵه‌ به‌رچاوه‌کان

  • یه‌کێک له‌ کرێکاره‌کان که‌ له‌ ناوچه‌ی کامپی 5 میل ده‌ژی وتی " ده‌ستکه‌وتنی ئاوی پاك بۆخواردنه‌وه‌ و به‌کارهێنانی تر قورس و گران بووه‌."
  • پرۆژه‌که‌ی وێستگه‌ی ئاو ئاوی پاکی خواردنه‌وه‌ دابین ده‌کات بۆ هه‌موو ئاواره‌ ناوخۆکانی کامپی 5 میل و 130 خێزانی خانه‌خوێ.
  • 150 هه‌لی کار ڕه‌خسێندراون بۆ یارمه‌تیدانی بژێوی ژن و پیاو و گه‌نجان له‌ ئاواره‌کانی ناوخۆ و کۆمه‌ڵگه‌ خانه‌خوێکه‌.

ئه‌م وێستگه‌ی ئاوه‌ که‌ له‌لایه‌ن ئاواره‌کانی ناوخۆوه‌ به‌رێوه‌ده‌برێت ناونراوه‌ (الامل) که‌ به‌ زمانی عربی به‌مانای "هیوا" دێت. ئه‌مه‌ش چیرۆکێکی تری سه‌رکه‌وتنی پرۆسه‌ی هه‌ستانه‌وه‌یه‌. له‌کاتێکدا به‌رنامه‌ی نه‌ته‌وه‌یه‌کگرتووه‌کان بۆ په‌ره‌پێدان (UNDP) له‌ ڕابردوودا هاوکاری پارێزگای بصره‌ بووه‌ له‌ به‌ره‌وپێشبردنی تواناکانی کارکردن و سه‌رکێشی کاردا له‌ڕێگه‌ی دامه‌زراندنی بازاڕێکی نوێوه‌ له‌ مانگی ئایاری 2015 دا، له‌ناو پرۆژه‌کانی تردا پرۆژه‌که‌ی وێستگه‌ی ئاو ئاماژه‌یه‌ بۆ چالاکیه‌کی دیارو به‌رچاوی تر له‌ چوارچێوه‌ی ئه‌م هاوکاریه‌دا.

خاتوو وامیث الاجودی له‌ لیژنه‌ی پارێزگاکه‌وه‌ بۆ کاروباری ئاواره‌کانی ناوخۆ جه‌ختیکرده‌وه‌ " له‌ ئێستادا زیاتر له‌ 15،000 ئاواره‌ی ناوخۆمان هه‌یه‌ له‌ بصره‌ که‌ پێویستیان به‌ هه‌موو جۆره‌ هاوکاریه‌کی نه‌ته‌وه‌یه‌کگرتووه‌کان و هاوبه‌شه‌ نێوده‌وڵه‌تیه‌کانه‌ بۆ هاوکاریکردنیان  به‌مه‌به‌ستی دووباره‌ بنیادنانه‌وه‌ی ژیانیان." هه‌روه‌ها وتیشی "ئه‌م پرۆژه‌یه‌ زامنی ئه‌وه‌ده‌کات که‌ 700 خێزانی ئاواره‌ی ناوخۆ و 1000 خێزانی ده‌ره‌وه‌ی کامپه‌که‌ له‌ داهاتوودا به‌ به‌رده‌وامی ده‌ستیان به‌ ئاو ڕاده‌گات."  

پرۆژه‌که‌ که‌ له‌لایه‌ن ڕێکخراوی هاوکاری که‌نه‌دی بۆ کۆمەڵگەی عێراقی و ڕاهێنان  (CAOFISR) ەوە به‌ هه‌ماهه‌نگی له‌گه‌ڵ حکومه‌تی خۆجێیی به‌ڕێوه‌ده‌برێت ئامانجی ڕه‌خساندنی هه‌لی کاره‌ به‌ شێوه‌یه‌کی کاتی و هه‌روه‌ها بنیادنانی تواناکانی ئاواره‌کانی ناوخۆ له‌ڕێگه‌ی دابینکردنی ئاوی پاك و ده‌ستراگه‌یشتنی کامپی ئاواره‌کانی ناوخۆ و کۆمه‌ڵگه‌ خانه‌خوێکه‌ به‌ ئاوی پاك.  

به‌ڕێز ماجد شامل سه‌رۆکی (CAOFISR) وتی "پرۆژه‌که‌ 150 هه‌لی کار ده‌ره‌خسێنێت بۆ یارمه‌تیدانی بژێوی ژن و پیاو و گه‌نجان له‌ ئاواره‌کانی ناوخۆ و کۆمه‌ڵگه‌ خانه‌خوێکه‌." وتیشی "هه‌موو ئاواره‌ ناوخۆکانی ناو کامپه‌که‌ ده‌ستیان ڕاده‌گات به‌ ئاوی پاکی خواردنه‌وه‌ جگه‌له‌وه‌ش 130 خێزانی کۆمه‌ڵگه‌ خانه‌خوێکه‌ش ده‌ستیان پێی راده‌گات که‌ نزیکه‌ی 70% یان ژن و منداڵن."  

بنیادنانی تواناکان و ڕاهێنانه‌ پیشه‌ییه‌کان له‌ بواری کاره‌با و چاککردنه‌وه‌دا له‌لایه‌ن ڕێکخراوی هاوکاری که‌نه‌دی بۆ کۆمەڵگەی عێراقی و ڕاهێنان (CAOFISR) ەوە رێکخراون به‌مه‌به‌ستی سوودگه‌یاندن به‌ زیاتر له‌ 1500 که‌س و مسۆگه‌رکردنی چاککردنه‌وه‌ و کارکردنی به‌رده‌وامی وێستگه‌ی سیستەمی (RO)ه‌که‌." به‌ڕێز خالد طالب شلاش که‌ ئاواره‌یه‌کی خه‌ڵکی شه‌رگا‌تی سه‌ر به‌ پارێزگای موسڵه‌ وتی " به‌ نسبه‌ت ئێمه‌وه‌ وه‌ک ئاواره‌ی ناوخۆ، ئه‌م موباده‌ره‌ سه‌رنج ڕاکێشه‌ پێداویستیه‌کانمان له‌ هه‌لی کار و ده‌ستراگه‌یشتن به‌ ئاوی پاك بۆ دابین ده‌کات. من بۆ به‌ڕێوه‌بردنی ئه‌م وێستگه‌یه‌ ڕاهێندراوم و شانازی ده‌که‌م که‌ له‌م پرۆژه‌دا کارده‌که‌م."   

به‌ڕێز ثائر شره‌یده‌، به‌ڕێوه‌به‌ری به‌رنامه‌ی نه‌ته‌وه‌یه‌کگرتووه‌کان بۆ په‌ره‌پێدان (UNDP) وتی " دامه‌زراندنی ئه‌م وێستگه‌ی ئاوه‌ که‌ ئه‌مڕۆ به‌ شێوه‌یه‌کی فه‌رمی ده‌یکه‌ینه‌وه‌، هاوکاری ئاواره‌کانی ناوخۆ ده‌بێت بۆ دووباره‌ ده‌ست کردنه‌وه‌ به‌ ژیانیان. ئه‌م پرۆژه‌یه‌ زۆر گرنگه‌ بۆ بنیادنانی توانای هه‌ستانه‌وه‌ و هاندانی یه‌کگرتنه‌وه‌ی کۆمه‌ڵایه‌تی له‌ ناو کامپی 5 میل و کۆمه‌ڵگه‌ خانه‌خوێکه‌ی ده‌وروبه‌ری. 

IraqResilience#

بەرنامەی نەتەوە یەکگرتووەکان بۆ پەرەپێدان له‌ سه‌رانسه‌ری جیهان

تۆ لێره‌یت بەرنامەی نەتەوە یەکگرتووەکان بۆ پەرەپێدان عێراق 
بڕۆ بۆ بەرنامەی نەتەوە یەکگرتووەکان بۆ پەرەپێدان له‌ جیهان

ئ

ئازەربایجان ئوزبێکستان ئوگاندا ئۆکرانیا ئیماراتى عه‌ره‌بى یه‌كگرتوو ئیندونێیسیا ئێران ئێریتریا ئێسیوپیا ئێل سالڤەدۆر ئێکوادۆر ئەرجەنتین ئەردەن ئەرمینیا ئەفغانستان ئەلبانیا ئەنگۆلا

ب

باشوورى ئەفريقيا باشوورى سودان به‌رنامه‌ى هاوكارى بۆ خه‌ڵكى فه‌له‌ستین بهوتان به‌ڕازیل بوروندی بۆتسوانا بۆركينا فاسۆ بۆسنيا وهه‌رسك بۆلیڤیا بیلا ڕوسیا بێلیز بەحرێن بەربێیدۆس بەنگلادێش بەنین

ت

تاجیکستان تایلەند ترينيداد وتوباگۆ ته‌نزانيا توركیا تورکمانستان تونس تيمۆرى ڕۆژئاوا تۆگۆ

ج

جامایکا جۆرجیا جیبوتی جەزائیر

ز

زامبیا زیمبابوێ

س

ساو تومى وبرينسيب سربیا سريى لانكە سوازیلەند سودان سوریا سورینام سيراليۆن سۆماڵ سێنیگال سەمۆوا

ش

شانشینى عەرەبستانى سعودی

ع

عێراق

ف

فلیپین

ق

قوبرس

ك

كوێت كۆستا ريكا كۆسۆڤۆ كۆمارى ئەفريقياى ناوەند كۆمارى دۆمينه‌كان كۆمارى كۆنگۆ كۆمارى كۆنگۆى ديموكرات كۆماريى كۆريا ديموكرات كێيپ ڤێدى

ل

لاو لوبنان ليبيا لیبیریا لێسۆتۆ

م

مالدیڤس مالی مالیزیا مۆریتانیا مۆزەمبیک مۆنتەنەگرۆ میسر مینامار مەدەگەشکەر مەغریب مەلاوی مەنگۆلیا مەوریتیوس و سیچیل مەکسیک مەکەدۆنیا مەڵدۆڤا

ن

نامیبیا نوسینگه‌ى زەریای هێمن نیجێریا نیکەراگوا نێجر نێیپال

ه

هایتی هیند هیندوراس

ي

يێرەگوێى

پ

پاراگوای پاكستان پانما پاپوا نيو گوينا پیرو

چ

چاد چیلی چین

ڕ

ڕواندا ڕوسیای فێدرال

ڤ

ڤيێتنام ڤێنزوێیلا

ک

کازاخستان کامیروون کرواتیا کوبا کۆلومبیا کۆمۆرۆس کیرغیزستان کینیا کەمبۆدیا کەناری عاج

گ

گابۆن گامبیا گانا گواتەمالا گویانا گينيه بيساو گینیاى ئیستوائى گینێی

ی

یەمەن