هاوبەشێتی نێوان UNDP و Shell: گۆڕینی گەشتی فێربوون

Baneen
بەنین تەمەنی 12 ساڵە و لە یەکی سەرەتاییەوە لە قوتابخانەی ئەلجەوادەین بووە و هیوادارە بەردەوام بێت لە گەشتی خوێندنەکەی تا دەبێتە ئەندازیاری تەلارسازی. وێنە: فەرەح سایەغ/ UNDP /2017 عێراق

بەسڕە، 23 ی نیسانی 2017- بەنین یەکێك بوو لە نزیکەی 300 خوێندکار لە قوتابخانەی ئەلجەوادیانی سەرەتایی و چێژ و سوودی دەبینی لە دامەزراوە نوێیەکان  کە شیاندنەوەیان بۆ ئەنجام درابوو لە سەرەتای 2016 دا لەلایەن هاوبەشێتی UNDP و Shell یەوە.

خاڵە بەرچاوەکان

  • بەهۆی هاوبەشێتی UNDP و Shell یەوە قوتابخانەی ئەلجەوادیان شیاندنەوەیەکی گەورەی بۆ ئەنجامدرا و قاتی دووهەمیشی بە پۆلەوە بۆ دروستکرا.
  • بەنین وتی :" بەڕای من قوتابخانەکەم زۆر جوانە ئێستا. باشترین قوتابخانەیە لە ئەلدەیر دا."
  • مامۆستاکەی بەنین، موحەمەد، وتی :" نمرەی تاقیکردنەوەی قوتابیەکانیشم باشتر بوون بەهۆی باشترکردنی ژینگەی فێربوونیانەوە."

بەنینی ١٢ ساڵان وتی :" من لە پۆلی شەشم و لە پۆلی یەکەوە لە قوتابخانەی ئەلجەوادیان بووم. خۆم و خوشکە بچوکەکانیشم دێین بۆ ئەم قوتابخانەیە."

لەنێو چەندان ئاستەنگیدا، بەنین و هاوپۆلەکانی بەهۆی بچوکی پۆلەکانیانەوە توشی گرفت بووبوون. نزیکەی 50 قوتابی لە یەک پۆلدا بوون و ئەم قەرەباڵغیە وایکردبوو لەسەر رەحلەی یەکتر دابنیشن و هزری مامۆستاش بەم قەرەباڵغیەوە بڕوات، ئەمەش لە دەرەنجامدا کاریگەری دەکردە سەر ڕێژەی تێگەشتن و فێربوونی قوتابیەکان.

بەنین وتیشی :" پۆلەکانمان زۆر گەرم بوون  و پڕبوو لە منداڵ، هەندێکیان لەسەر زەویەکە دادەنیشتن و زۆر گرانبوو بۆمان بتوانین فێربین و ئاگاداری وانەکان بین."

لەپاڵ نۆژەندکردنەوەی قوتابخانەیتر و دروستکردنی باخچەی یاری و تەداخولەکان بۆ سەلامەتی ڕێگاوبان بۆ منداڵاندا، قوتابخانەی ئەلجەوادیان بە تایبەتیی لەلایەن هاوبەشێتی UNDP و Shell ەوە لەڕێی کۆمەککردنی کۆمپانیای نەوتی باشور بۆ گێڕاندنەوەی تێچوونەکانی خۆشگوزەرانی- SOC یەوە ئەنجام درابوون.

بۆ خستنەڕوو وە باسکردنی ئاستەنگی نەبوونی شوێن لە قوتابخانەی ئەلجەوادیاندا، پڕۆژەی شیاندنەوەکە دروستکردنی قاتی دووهەمی قوتابخانەکەشی لەخۆ گرتبوو بە شەش پۆلی تەواو سازکراوەوە، لەگەڵ ژووری مامۆستایان و تاقیگەی زانستیدا، کە لە ئێستادا هەموویان بەکاردەهێنرێن. هەروەها یەکەی ساردکردنەوە و رەحلەی نوێش بۆ هەر پۆلێک دابینکراون و ژمارەیەکی گونجاو لە قوتابیان لە پۆلەکاندا جێیان دەبێتەوە.

بەنین وتی :" بەڕای من قوتابخانەکەم زۆر جوانە ئێستا. باشترین قوتابخانەیە لە ئەلدەیر دا. هەموو منداڵەکان حەزدەکەن زیاتر لە قوتابخانەکەدا بمێننەوە، چونکە لێرەدا هەموو شتێکمان هەیە."

مامۆستاکەی بەنین، موحەمەد وتی :" پاش تەواوبوونی نۆژەندکردنەوەکان و دروستکردنی بەشەکان، ڕێژەی ئامادەبوونی قوتابیەکانیش زیادی کردوە. نمرەی تاقیکردنەوەی قوتابیەکانیشم باشتر بوون بەهۆی باشترکردنی ژینگەی فێربوونیانەوە."

بەنین وتی:" قوتابخانە بەلای منەوە گرنگە چونکە خەون بەوەوە دەبینم ببمە ئەندازیاری تەلارسازی لە داهاتوودا، هەروەها زۆر تێدەکۆشم و سەعیدەکەم بۆ ئەوەی بەردەوامبم لە خوێندنی ناوەندی و بەدەستهێنانی بڕوانامەی زانکۆ."

هاوبەشێتی نێوان UNDP و Shell لە بەسڕەدا لە ساڵی 2012 دا بەگەڕخراوە بۆ بنیادنانی پلاندانانی بەشدارانە و توانستی پەرەپێدانی ناوچە ناوخۆییەکان و جێبەجێکردنی چالاکی پەیوەندیدار لە کۆمەڵگاکانی نزیك کێڵگەی نەوتی مەجنون ەوە لە پارێزگای بەسڕەدا لە باشوری عێراق. هەروەها ئامانج لە هاوبەشێتیەکە بریتیە لە دابینکردنی ڕاهێنانی پیشەوەریی ئاست بەرز و پشتگیریکردنی ژینگەی کاری هەرە بچوک و بچوك و مامناوەندی.

 

نوسین و وێنە لەلایەن فەرەح سایەغ ەوە/ UNDP  عێراق