کۆبونەوەی وەزاری به‌ مه‌به‌ستی چاکسازی لە سیستەمی بنیاتنان بۆ هەرێمی کوردستانی عێراق

Tue Apr 26 00:00:00 EDT 2016

"بەهۆی پابەندبوونی ته‌واوی بەرپرسانی هەرێمی کوردستان، پڕۆژەکانی ئاوەدانکردنەوە دوبارە بەسەرکراونەتەوە وە نوێکراونەتەوە شانبەشانی پێوانە جیهانییەکان،" به‌ڕێز هاجییڤ ئاماژەی پێکرد. عێراق /٢٠١٦UNDPوێنە

هەولێر- ئەمڕۆ لە هەولێر لە کۆبوونەوەیەکی وەزاریدا ئەو بەرەوپێشچوونە باسی لێوەکرا کە بەدەستهێنراوە لەڕێگەی پرۆژەی (دامەزراندنی رژێمێکی کۆنترۆڵی بیناسازی لە هەرێمی کوردستانی عێراق) کە لەلایەن بەرنامەی پەرەپێدانی نەتەوە یەکگرتووەکان-ەوە(UNDP) خەرجی دابینکراوە و لەلایەن (پرۆگرامی نەتەوە یەکگرتووەکان بۆ نیشتەجێ مرۆییەکان)(UN-Habitat) جێبەجێدەکرێت.

وەزیرانی پلاندانان، شارەوانی، گەشتوگوزار، خانوبەرە و ئاوەدانکردنەوە، سەرۆکی دەستەی وەبەرهێنان، هەروەها پارێزگاری هەولێرئامادەی کۆبونەوەکە بوون.

 

وەزیری پلاندانان، بەڕێز جەنابی علی سندی وتی: "بڕوای تەواوی هەیە کە ئەم پڕۆژەیە یەکێک لە باشترین نموونەکانی سەرکەوتنی هاوبەشیکردنی  نەتەوە یەکگرتووەکان و حکومەتی هەرێمی کوردستان دەخاتەڕوو.

پێمخۆشە سوپاس و پێزانینی دڵسۆزانەی خۆم ئاڕاستەی تیمی پڕۆژەکانی UNDP و UN-Habitat بکەم بۆ ئەو ئەرکە گەورانەی کێشاویانە لەم پڕۆژەیەدا. هیوادارم ئامانجەکان هەنگاوی زیاتر بن بۆ چاکسازی لە سیستەمی بنیاتناندا،"

لە ماوەی نێوان کانونی یه‌که‌م ٢٠١٤ بۆ مارس ٢٠١٦ ، وە لەسەر داوای وەزارەتی پلاندانان UNDPو  UN-Habitat هەوڵەکانیان یەکخست لەگەڵ ئەنجومەنی وەزیرانی کوردستان و هاوتا حکومییەکاندا بۆ پشتگیریکردن لە گەشەسەندنێکی کاریگەر و تەواو کە بە خۆماڵیکراوی رژێمی کۆنترۆڵی بیناسازی یاسای چاودێری بنیاتنان لەپێناو بەرەوپێشچوونی ژینگەی وەبەرهێنان کە دەبێتە هۆی گەشەسەندنێکی جێگر و بەردەوام.  

بەڕێوەبەری UNDPلە عێراق بە وەکالەت ، بەڕێز سوڵتان حاجییڤ، وتی:" بەهۆی پابەندبوونی بەهێزی بەرپرسانی هەرێمی کوردستان، پڕۆژەکانی ئاوەدانکردنەوە دووبارە بەسەرکراونەتەوە ، نوێکراونەتەوە شانبەشانی پێوانە جیهانییەکان لەڕووی تەندروستی، سەلامەتی وە پاراستنی ژینگەیی که‌ پێوانە دەکرێت بە شێوازێکی کاریگەر و کارامانە."

 سەرۆکی UN-Habitat عێراق ، بەڕێزعیرفان علی، جەختی کردەوە لە "بەرهەمی ڕێساکە لەم قۆناغەدا کە پێکهاتووە لە ڕێوشوێنی نوێی بنیاتنان ، شەش ڕێسای بیناکردن، سه‌رباری شیکاری گشتگیر له‌سه‌ر ڕێوشوێنەکانی ڕێگه‌پێدانی بنیاتنان." وە وتیشی: " گومانی تێدا نییه‌، ئه‌م هه‌وڵانه‌ هه‌ماهه‌نگییه‌کی گه‌وره‌ نیشان ده‌ده‌ن له ڕووی‌ چاکسازی لە بواری گه‌شه‌سه‌ندنی شارستانی له‌ له‌‌ هه‌رێمی کوردستانی عێراق."

هه‌روه‌ها به‌شداربوانی کۆبونه‌وه‌که‌ قسه‌یان له‌سه‌ر هەنگاوەکانی داهاتوو کرد ، لەوانەش باس له‌ نوێگه‌ری له‌ ڕێسای نوێی بیناکاری، وه‌ ته‌واوکردنی ڕێوشوێنی بیناسازی، وه‌ گه‌شه‌پێدانی توانای داموده‌زگا تایبه‌تمه‌نده‌کان بۆ جێبەجێکردنی ڕێسای بیناکردن‌ وه‌ ڕێسای نوێکراوەکانی بیناکردن .

ڕاگه‌یه‌نراوی ڕۆژنامه‌وانی به‌ عه‌ره‌بی (داگرتن‌)

ڕاگه‌یه‌نراوی ڕۆژنامه‌وانی به‌ کوردی (داگرتن‌)

په‌یوه‌ندی

نیداء هیلال، ڕاوێژکاری ڕاگەیاندن و پەیوەندییەکان، UNDP عێراق.

م. 9647804473336+

مازن طلعت، ڕێکخه‌ری هه‌رێمیی، UN-Habitat عێراق.

م. 9647804473336+