ئەو هەڵمەتی پاکردنەوەیەی یەکێتی ئەوروپا کۆمەکی دەکات، زیاتر لە ٢٥٠٠ تەن خاشاکی هەرێمی کوردستانی عێراق کۆدەکەنەوە

Thu Jun 16 00:00:00 EDT 2016

بەهەزاران خۆبەخش بەشدارییان لە هەڵمەتی یەك ڕۆژەی با کوردستان پاکبکەینەوە دا کرد. وێنە: UNDP عێراق/٢٠١٦

هەولێر- دوێنێ زیاتر لە ٢٥٠٠ تەن لە خاشاك کۆکرانەوە لە پارێزگاکانی هەرێمی کوردستانی عێراق: هەولێر، سلێمانی، دهۆک و هەلەبجە لە دەرەنجامی هەڵمەتی یەك ڕۆژەی با کوردستان پاکبکەینەوە کە لەلایەن یەکێتی ئەوروپاوە کۆمەککرابوو. بە ئامانجی بەرزکردنەوەی هوشیارییەوە لەسەر پاراستنی ژینگە، هەڵمەتەکە پاڵپشتییکرابوو لەلایەن بەرنامەی پەرەپێدانی ناوچە ناوخۆییەکان (LADP) ی سەر بە یەکێتی ئەوروپا لە UNDP و لەلایەن وەزارەتی شارەوانی و گەشتوگوزاری حکومەتی هەرێمی کوردستان و پارێزگاکانی هەرێمی کوردستانە وە بە هاریکاریی دۆستانی ژینگەی ڕێکخراوی پاکژ (COEF) ڕێکخرابوو.

بەڕێز نەورۆز مەولود ئەمین، وەزیری شارەوانی و گەشتوگوزار وتی:" لەڕێی ئەم هەڵمەتەوە، دەمانەوێت پەیامێك بۆ جیهان بنێرین کە خەڵکی کوردستان ژینگە دۆستن، وە بۆ بەرزکردنەوەی هوشیاری چونکە لە بەرپرسیارێتی هاوڵاتیانی مەدەنیشە کە پاڵپشتیی حکومەت بکەن لە پاککردنەوەی شارەکانیان و ناوچە گەشتوگوزارییەکان."

جوڵاندنی هەزاران خۆبەخش و نزیکەی ١٠٠ ڕێکخراوی ناحکومی و ڕاگەیاندن بۆ پاڵپشتییکردنی جێبەجێکردنی کارەکە، هەڵمەتی پاککردنەوەکە نزیکەی ٢٣ شوێنی گەشتوگوزاریی دەستنیشانکرد لە هەرچوار پارێزگاکەی هەرێمی کوردستانی عێراقدا (KR-I)

بەڕێوەبەری بەرنامەی LADP، خاتوو ئیزابێلا ئوریبای، وتی:" یەکێتی ئەوروپا پێشبینی 'شەپۆلێکی گەورەی خاشاك'ی کردوە ئەگەر جیهان شکست بێنێت لە کەمکردنەوەی خاشاکەکانیدا. لەگەڵ ئەوەی وادانراوە دانیشتوانی جیهان لە ساڵی ٢٠٥٠دا بگاتە ٩.٦ ملیار کەس، جیهان هیچ بژاردەیەکی نامێنێت تەنها ئەوە نەبێت خاشاکەکانی کەمبکاتەوە، یان دەبێت دووچاری کۆسپێکی ژینگەیی توند ببێتەوە.لەوانەیە ئەمە لە ئێستادا لە ئەولەویەتە سەرەکیەکان نەبێت بەهۆی قەیرنە ئابورییەکان و ململانێکانەوە. خاشاك تەنها بەشێك نیە لە ئابوری و خودی خۆی سەرچاوەیەك بێت بۆ وزە، بەڵکو بەشێکیشە لە سروشت و ئێمە دەمانەوێت ئەم هەرێمە بە ژینگە دۆستی و جوانیی بمێنێتەوە."

لەڕێی بەرنامەی پەرەپێدانی ناوچە ناوخۆییەکانی یەکێتی ئەوروپاوە کە پێشەنگە لە بوارەکەدا، یەکێتی ئەوروپا و UNDP پاڵپشتی ڕاستەوخۆ بۆ دوانزە پارێزگا دابین دەکەن بۆ باشترکردنی پلاندانان و جێبەجێکردن لە سێکتەرەکاندا، هەروەها بۆ باشترکردنی هەماهەنگی نێوان حکومەتی ناوەند و پارێزگاکان و زیادکردنی بەشداریکردنی کۆمەڵگاکان لە پەرەپێدانی ناوخۆدا.

پەیوەندی

نیداء هیلال، ڕاوێژکاری ڕاگەیاندن و پەیوەندییەکان، UNDP عێراق.

م. 9647804473336+

موحەمەد فەوزی، به‌ڕێوه‌به‌ری ڕاگه‌یاندن و زانیاری، شاندی یه‌کێتی ئه‌وروپا بۆ کۆماری عێراق

م. 9647809285377+