UNDP ئاسانکاری دەکات بۆ ئامادەبوونی عێراق بۆ کۆنفرانسی لایەنەکان 22- COP22

Tue Oct 25 00:00:00 EDT 2016

سەرۆکی شاندی نەتەوەیی عێراق بۆ COP22 لەگەل جێگری وەزیری تەندروستی و ژینگە دکتۆر جاسم ئەلفەلاحی، باسی وۆرکشۆپەکە دەکەن بۆ بەشداربوان. وێنە UNDP عێراق/2016

سلێمانی- بە هەماهەنگیی لەگەڵ وەزارەتی تەندروستی و ژینگەی عێراقدا، UNDP وۆرکشۆپێکی ڕێکخست لەسەر بینادنانی توانست لەسەر ڕێکەوتننامەی کەشوهەوای پاریس و کەمکردنەوەی مەترسیی کەشوهەوا لەڕێی جێبەجێکردنی ستراتیژیەتەکانی کەمکردنەوەی هەژاریی لە وڵاتدا. وۆرکشۆپەکە لە سڵیمانی بەسترا لە ڕۆژانی 21 بۆ 25ی تشتی یەکەمی 2016دا بە ئامانجی ئامادەکردنی شاندی نەتەوەیی عێراق بۆ کۆنفرانسی لایەنەکان COP22 کە لە مەراکیش لە مەغریب دەبەسترێت لە سەرەتای تشرینی دووەمدا.

سەرۆکی شاندی نەتەوەیی و جێگری وەزیری تەندروستی وژینگە، بەڕێز جاسم ئەلفەلاحی، وتی :" عێراق بە توندی پابەندە بە هۆکاری باسکردنی گۆڕانکاریی کەشوهەوا و پاڵپشتیی هەوڵە جیهانیەکان دەکات بۆ جێبەجێکردنی جاڕنامەی پاریس. بەپێی ئەوەی عێراق یەكێك لە خراپترین کەشی دۆخناسکی هەیە لە ناوچەکەدا، عێراق چاوەڕوانی کۆکردنەوەی هاریکاریە نێودەوڵەتیە موحتەمەلەکانە و بە باشترین شێوە بەکاربێن لە تاووتوێکردنی ئەم ئاستەنگییەدا کە پێشتر ڕووی نەداوە."

بەڕێوەبەری بەرنامەی گۆڕانکاریی کەشوهەوا و وزە و ژینگەی سەر بە UNDP، بەڕێز تەریقول ئیسلام، وتی:" پەرەپێدانی بەردەوام لە عێراقدا ناتوانێت بەدەستبێت بەبێ کاری جددی لەلایەن حکومەتی عێراقەوە بۆ باسکردنی ئاستەنگیەکانی گۆڕانکاریی کەشوهەوا. UNDP پابەندە بە پاڵپشتییکردنی شاندی عێراق لەسەر 'ڕێگا بەرەو COP22' لە مەغریب وەکو بەشێك لە کۆی هەوڵەکانی بەدەستهێنانی پەرەپێدانی بەردەوام."

نوێنەرانی لایەنە حکومیەکان و دەزگاکان بە حکومەتی هەرێمی کوردستانەوە KRG باسی تێکەڵکردنەوەی لایەنی ژینگەییان کرد لە پێداچوونەوەی ستراتیژیەتی کەمکردنەوەی هەژاریی نەتەوەییدا. هەروەها پاڵپشتیی دیدێکی ڕوونیان کرد بۆ عێراق کە لە COP22 دا پێشکەش بکرێت. ئەمە ئەو ئەولەویەتانەی ڕکەوتن لەسەری ئەنجامدراوە دەگرێتەوە وەکو گۆڕانکاریی کەشوهەوا و کاریگەرییەکانی لەسەر ئاسایشی ئاو و خۆراكدا.

پەیوەندی

تەریقول ئیسلام، هاریکاریی بەڕێوەبەری ناوچە

م، 9647801976462+