بۆنەی ئاشتیی کۆتایی هەفتە لە نەجەف

Wed Mar 15 00:00:00 EDT 2017

 

نەجەف- گەنجان بزوێنەری گۆڕانکارین لە عێراقدا. بۆنەی ئاشتیی کۆتایی هەفتە لە نەجەف ڕێکخرا لە ڕۆژەکانی 10 و 11 ی ئازاری 2017 بە پاڵپشتیی بەرنامەی بەدەنگەوەچوون و هەستانەوەی قەیرانی عێراق- ICRRP سەر بە UNDP و کۆمەکیەکی میهرەبانانە لەلایەن حکومەتی ئەڵمانیاوە.

پاش تەواوبوونی سەرکەوتوانەی ڕاهێنان لەسەر شیکاریی ململانێ و کارامەییەکانی ئاشتەوایی کۆمەڵایەتی و ئاسانکارییەکان، گەنجانی نەجەف و بەغداد و نەینەوا زنجیرەیەک بۆنەیان ڕێکخست بۆ برەودان بە پێکەوەژیانی نەتەوەکان و یەکتر قبوڵکردن لە نێو ئاوارە و کۆمەڵگا خانەخوێیەکان و کەمایەتیە نامسوڵمانەکانی نەجەفدا. بۆنەی ئاشتیی کۆتایی هەفتە بریتی بوو لە دانیشتنی ئاخاوتن لەنێوان کۆمەڵانی نەتەوەیی و دینیی لە زانکۆی کوفە و چالاکیەکانی پێکەوەژیانی کۆمەڵایەتی بۆ منداڵانی ئاوارە و کۆنفرانسی ئاشتی بۆ سەدان کەس لە نەجەفدا.

پەیوەندیەکی بەهێز لەگەڵ دامەزراوە ئەکادیمی و کۆمەڵگا مەدەنیەکاندا پێکهاتەیەکی سەرەکیە بۆ جوڵاندنی گەنجان. UNDP سەربەرزە بە کارکردن لەگەڵ زانکۆی کوفە و دەستەی ئەلئەمەلی عێراقی و دامەزراوەی ئیمام ئەلخۆئی و سەنتەری دادوەری و بنیادنانی ئاشتی سەر بە زانکۆی ئیست مێنۆنێت بۆ بەهێزکردنی گەنجانی عێراق.

 

#IraqResilience

پەیوەندی

پاولا پێچۆنێ، پسپۆری پەیوەندیەکان و پاڵپشتیی جێبەجێکردن لە ICRRP دا.م: 9647511704045+