بەرنامەی نەتەوەیەکگرتوەکان بۆ پەرەپێدان (UNDP) پشتیوانی عێراق دەکات بۆ دامەزراندنی سیستەمێکی کۆمپیوتەریی یەکخراو بۆ بەشداریپێکردنی زانیاری لە دادوەریی تاوانکاریدا

Thu May 11 00:00:00 EDT 2017

بەڕێز پیتەر ئیسکۆلا، ڕاوێژکاری UNDP بۆ چاکسازی لە کەرتی ئاسایشدا، وتی :" وەزارەتی داد و وەزارەتی ناوخۆ و ئەنجومەنی باڵای دادوەری باشترە هەماهەنگییان لەنێواندا هەبێت لەسەر کێشە و بابەتە گرنگەکانی وەکو لێکۆڵینەوە و سیستەمێکی یەکخراوی ئەلیکترۆنی بۆ سیستەمی دادوەریی تاوانکاری." وێنە: بەراء عەفیف/ UNDP /2017 عێراق

بەغداد- چوارەمین کۆبونەوەی چاکسازی لە کەرتی ئاسایش (SSR) و گروپی کارکردن لەسەر دادوەریی تاوانکاری (CJWG) دا لە بەرواری 11 ی ئایاری 2017 دا لە بەغداد بەسترا ، کۆبونەوەکە پێکەوە سەرۆکایەتی کرا لەلایەن دەسەڵاتدارانی عێراقی و  بەرنامەی نەتەوەیەکگرتوەکان بۆ پەرەپێدان (UNDP) دا. ئەم کۆبونەوەیە تەرکیزی کردە سەر دامەزراندنی سیستەمێکی یەکخراوی تەکنۆلۆژیای زانیاریی دادوەریی تاوانکاریی (CJTS)، ئەمەش وەکو ئەولەویەتێکی ئاست بەرز دەستنیشانکرا لەلایەن چەند بەرپرسێکی کەرتی ئاسایشەوە لە حکومەتی عێراقدا، بە لەخۆگرتنی ئەنجومەنی باڵای دادوەری و وەزارەتی ناوخۆ و وەزارەتی دادەوە. ئەم سیستەمە کۆمپیوتەریەی بەشداریپێکردنی زانیاری زۆر گرنگە بۆ ئاسانکاری لێکۆڵینەوەکانی دادوەری تاوانکاری لە نێوان ئەنجومەنی باڵای دادوەری و وەزارەتی ناوخۆدا.

سەرۆک وەزیران و حکومەتی عێراق بە شێوەکەی ئاست بەرز پابەندن بە دروستکردنی ئەم سیستەمەوە. لەگەڵ ئەوەی کە قۆناغی یەکەم دەستی پێکردوە، هیوای ئەوە دەخوازرێت ئەو هاوبەشە نێودەوڵەتیانەی خوازیارن، پشتیوانی قۆناغی دووهەم بکەن.

سەرۆکی لیژنەی نیشتیمانی بۆ ژێرخانی دادوەری تاوانکاری، دکتۆر عەلی تاریش، وتی :" UNDP پشتیوانیکردوە لە بە هاوچەرخکردنی سیستەمی دادوەری تاوانکارییدا، لەڕێی دامەزراندنی سێ سەنتەری بنکەی زانیاری (داتا بەیس) و چەندان ڕێگەی ترەوە. ئەم پشتیوانیکردنە لەم دواییانەدا دووبارە زیندوو کرایەوە، وە لێکۆڵینەوەی ورد ئەنجامدرا لەسەر بەرزکردنەوەی ئاستی سیستەمەکە بۆ ئەوەی بەشێوەیەکی باشتر ئاستەنگیەکانی ئێستا بخاتە ڕوو."

بەڕێز پیتەر ئیسکۆلا، ڕاوێژکاری UNDP بۆ چاکسازی لە کەرتی ئاسایشدا، وتی :" ئەم کۆبونەوەیە زۆر گرنگە چونکە لە ئێستادا دەسەڵاتدارانی عێراقی و وەزارەتی داد و وەزارەتی ناوخۆ و ئەنجومەنی باڵای دادوەری باشترە هەماهەنگییان لەنێواندا هەبێت لەسەر کێشە و بابەتە گرنگەکانی وەکو لێکۆڵینەوە و سیستەمێکی یەکخراوی ئەلیکترۆنی بۆ سیستەمی دادوەریی تاوانکاری. ئەمە هەنگاوێکی گرنگە و حکومەتی عێراق بە شێوەیەکی باش پێشڕەوی ئەم پڕۆسەیە دەکات."

لەسەر داوای حکومەتی عێراق، UNDP  هاریکاری (SSR ) دەکات لەڕێی هاوبەشیکردن لەگەڵ فەرمانگەی ڕاوێژکاری ئاسایشی نیشتیمانی (ONSA) و سەنتەری ئەلنەهرەین بۆ لێکۆڵینەوەی ستراتیژیدا، UNDP و لەگەڵ فەرمانگەی ڕاوێژکاری ئاسایشی نیشتیمانی و ئەنجومەنی باڵای دادوەری ئەم گروپی کارکردنەیان لە ساڵی 2016 دا خستە گەڕ. ئامانجەکانی چاکسازی کەرتی ئاسایشی عێراق بریتیە لە هەڵسەنگاندن و دەستنیشانکردنی ئەولەویاتەکانی چاکسازی سیستەمی دادوەری و باشترکردنی هەماهەنگی نیشتیمانی و نێودەوڵەتی و هاوبەشیکردن و بەدووگەڕانی هاریکاری نێودەوڵەتی بۆ چاکسازی لە کەرتی ئاسایشی عێراقدا بۆ عێراقی پاش ئازادکردن.

لەپاڵ نوێنەرانی وەزارەتی داد  و وەزارەتی ناوخۆ و ئەنجومەنی باڵای دادوەری دا، دەستەیەک لە هاوبەشانی نێودەوڵەتیش لە کۆبونەوەکەی گروپی کاردا ئامادەبوون، لەگەڵ دانیمارک و ڕۆمانیا و شانشینی یەکگرتوو (UK) و هێزی یەکخراوی کارە هاوبەشەکان (CCJTF) و تیمی پەیوەندی وەزاری سەر بە (CCJTF) بەهەمان شێوە ئامادەبوون.

پەیوەندی

شامیلا هێماساگاما، بەڕێوەبەری بەرنامە، حوکمی یاسا. م: 9647511843529+

پیتەر ئیسکۆلا، ڕاوێژکار، چاکسازی کەرتی ئاسایش، حوکمی یاسا. م: 9647901101976+