دامەزراوەی کۆمەکیکردن بۆ سەقامگیری

پوختەی بەرنامەكە

لە ناوەراستی 2015 دا، لەسەر داوای حکومەتی عێراق و بە پشتیوانی هاوپەیمانی نێودەوڵەتی دژی داعش، بەرنامەی نەتەوە یەكگرتووەكان بۆ پەرەپێدان لە عێراق دامەزراوەی کۆمەکیکردن بۆ سەقامگیری دامەزراند بۆ ئەنجامدانی چالاکیەکانی سەقامگیری لەو ناوچانەی بەهۆی ململانێی داعشەوە زیانیان بەرکەوتووە.

دامەزراوەى کۆمەکیکردن بۆ سەقامگیرى، بە کارکردن لە 31 ناوچەدا لە پێنج پارێزگای ئازادکراودا (ئەنبار، دیالە، کەرکوک، نەینەوا، سەلاحەدین) و لە نۆ کەرتی سەرەکیدا، کە بریتین لە کارەبا و تەندروستی و ئاو و پەروەردە و ئاوەڕۆ و بژێوی و شارەوانیەکان و ڕێگاوبان و پرد و پێکەوەژیانی کۆمەڵایەتی، جەخت دەخاتە سەر شیاندنەوەی ژێرخانی گشتی و دابینکردنی خزمەتگوزارییە گرینگەکان بۆ ئەو کۆمەڵگایانەى لەو ناوچانەدا دەژین کە بەهۆی ململانێکانەوە زیانیان لێکەوتووە. ئەمە شیاندنەوەی قوتابخانە و نەخۆشخانە و سیستەمەکانی ئاو و تۆڕەکانی کارەبا وڕەخساندنى هەلى کارى ماوەکورت لەڕێی بەرنامەکانی کاری گشتی و شیاندنەوەی ماڵە زیانلێکەوتووەکانەوە. هەروەها ئەمە چالاکییەکانی پشتیوانیکردن لە حکومەت دەگرێتەوە بۆ بنیادنانی کۆمەڵگای ئاشتیخواز و بنیادنانی توانستیان بۆ دابینکردنی خزمەتگوزارییە گرینگەکان بۆ کۆمەڵگا عێراقیەکان.

دامەزراوەی کۆمەکیکردن بۆ سەقامگیری لەژێر فەرمانی حکومەتی عێراقدا کاردەکات کە دەستپێشخەریەکانی سەقامگیری کردووەتە پێشینەى کارەکانى بە پێى پێویستیەکانی ناوچەیەکی دیاریکراو. دوابەدوای ئەم پرۆسەی بەئەولەویەتکردنە، بەرنامەی نەتەوە یەكگرتووەكان بۆ پەرەپێدان لە عێراق کاری شیاندنەوە جێبەجێ دەکات. زیاتر لە 95%ی کارەکانیان بە بەڵێندەرایەتی لەگەڵ کەرتی تایبەتی ناوچەکاندا ئەنجام دەدەن کە ئەمە نەك تەنها دەبێتە کەمکردنەوەی تێچووەکان، بەڵکو دڵنیایی دەدات لەوەی خودى کۆمپانیا ناوخۆییەکان شارەکانی خۆیان بە هێزی کاری خۆیان بنیاد بنێنەوە. بەڵێندەرەکان لەڕێی پرۆسەیەکی ڕکابەری زیادکردنێکى ئاشکراو ڕوونەوە دەستنیشان کراون و ڕێکاری توندی چاودێریکردنی پرۆژەش بۆ هەر یەك لە پرۆژەکان ئەنجام دەدرێت بۆ دڵنیاییدان لەوەی پڕۆژەکان بەپێی داواکاریەکان جیبەجی دەکرێن.

لەڕێی دامەزراوەی دامەزراوەی کۆمەکیکردن بۆ سەقامگیرییەوە، بەرنامەی نەتەوە یەكگرتووەكان بۆ پەرەپێدان لە عێراق بڕی زیاتر لە 1.88 ملیار دۆلاری لە 29 هاوبەشی نێودەوڵەتی و حکومەتی عێراقەوە کۆکردووەتەوە.

تاكو ئێستا چیمان بەدەستهێناوە

دامەزراوەی کۆمەکیکردن بۆ سەقامگیری سەر بە بەرنامەی نەتەوە یەكگرتووەكان بۆ پەرەپێدان سێ ئامانجی سەرەکی هەیە- ئاسانکاری کردن بۆ گەڕانەوەی ئاوارە عێراقییەکان و دانانی بناغەی دروستکردنەوە و چاکبوونەوە بۆ پاراستنى کۆمەڵگەکان لە سەرهەڵدانەوەی توندوتیژی و توندڕەوی.

تا ئەمڕۆ، بەرنامەکە ئەمانەی لای خوارەوەی ئەنجامداوە:

• پشتیوانیکردن لە گەڕانەوەی 4.93 ملیۆن هاوڵاتی بەهۆی ململانی دژى داعشەوە ئاوارەبووبوون.
• تەواوکردنى زیاتر لە 2,967 پڕۆژە لە پێنج پاریزگاى ڕزگارکراوى دەستى داعشدا و هاریکاریکردن لە بەرەوپێشچوونى دۆخى گوزەرانى زیاتر لە 14.6 ملیۆن عێراقى
• بڕى 41,267 دەرفەتى کار بەرامبەر پارە ڕەخسێنراوە، وەک برەودانێکى خێراى داهاتى خێزان.
• نۆژەنکردنەوەى 581 قوتابخانە و 11 دامەزراوەى تەندروستى و 126 وێستگەى لاوەکى و تۆڕى کارەبا و 1650 وێستگەى چارەسەرکردنى ئاو و 28,096 خانوو.
• کۆکردنەوەى  1.46 ملیار دۆلاری ئەمریکی لەلایەن 29 وڵات و حکومەتی عێراقەوە.

لە ئێستادا، بەرنامەی نەتەوە یەكگرتووەكان بۆ پەرەپێدان لە عێراق هاوبەشی هەڵبژێردراوی حکومەتی عیراقە بۆ بەردەوامبوون لە کارەکانی سەقامگیری و بەدیهێنانی ئاشتی و سەقامگیری بۆ ئەو وڵاتەی بەدەست داعشەوە زۆری چەشتووە.

* تاکو تشرینى یەکەمى 2021