هەولێر،١٨ ی کانونی دووهەمی ٢٠٢٢- بەرنامەی نەتەوە یەکگرتووەکان بۆ پەرەپێدان لە عێراق و ڕێکخراوی کۆچی نێودەوڵەتی بە هاوبەشی لەگەڵ نوسینگەی ڕاوێژکاری ئاسایشی نیشتیمانی و بە بەشداری وەزارەتی کۆچ و ئاوارەکان و وەزارەتی کار و کاروباری کۆمەڵایەتی و دەزگا حکومییە پەیوەندیدارەکانی تر لە ئەنباردا ٣٥ سەرکردەی کۆمەڵگا و سەرۆک هۆزەکانیان لە وۆرکشۆپێکدا کۆکردەوە کە ئامانج لێى کردنەوەی ئامێز و تێگەیشتن بوو لە نێو سەرکردەکاندا ئەمەش بۆ ئاسانکاری گەڕانەوە و یەکخستنەوەی ئاوارە عێراقییەکان بۆ ناو کۆمەڵگاکانیان.

بەرنامەی نەتەوە یەکگرتووەکان بۆ پەرەپێدان و ڕێکخراوی کۆچی نێودەوڵەتی لەگەڵ حکومەتی عێراقدا کاردەکەن بۆ پشتیوانیکردنی گەڕانەوە و یەکخستنەوەی ئەو خێزانە ئاوارە نێوخۆییانەى گومانى پەیوەندییان لێ دەکرا لەگەڵ داعشدا و ئەوانەش کە دەگەڕێنەوە بۆ سوریا. ئەمانە هاوتا لەگەڵ هەوڵەکانی حکومەتدا بۆ کۆتایی هێنان بە ئاوارەبوونی ماوە درێژ لەڕێی گرتنەبەری کۆمەڵێک ڕێکار بۆ ئاسانکاری لە گەیشتن بە چارەسەرێکی گونجاو.

بەشداربووانی وۆرکشۆپەکە گفتوگۆیان لەسەر وردەکاریەکانی پرۆسەی گەڕانەوە و ڕۆڵی سەرکردەکانی کۆمەڵگا و حکومەتی ناوخۆیی کرد لە ئاسانکاریکردن لە یەکخستنەوەی خێزانەکان لەگەل کۆمەڵگا و کاری بەرنامەی نەتەوە یەکگرتووەکان بۆ پەرەپێدان و ڕێکخراوی کۆچی نێودەوڵەتی کە دەیکەن بۆ ئاسانکاری لە گەڕاندنەوە و یەکخستنەوەدا. وۆرکشۆپەکە پێشنیاری بۆ باشترکردنی کردنەوەی ئامێزی کۆمەڵگا پێشکەش کرد بۆ خێزانە گەڕاوەکان.

نوێنەری نیشتەجێی بەرنامەی نەتەوە یەکگرتووەکان بۆ پەرەپێدان لە عێراق، خاتوو زێنە عەلی ئەحمەد، جەختی کردەوە و گوتی: "یەکخستنەوەی ئاوارە عێراقییەکان بە شێوەیەکی بەردەوام بۆناو کۆمەڵگاکانیان کاری لەپێشینەى بەرنامەی نەتەوە یەکگرتووەکان بۆ پەرەپێدانە، ئامادەکاری کۆمەڵگا لایەنێکی سەرەکی ئەم کارە گرینگەیە. بەرنامەی نەتەوە یەکگرتووەکان بۆ پەرەپێدان لە عێراقدا پابەندە بە کارکردن لەگەڵ حکومەتی عێراق و سەرکردەکانی کۆمەڵگای ناوخۆیی و هاوبەشانی نەتەوە یەکگرتووەکان بۆ ئامادەکردنی کۆمەڵگا لە گەڕانەوە و یەکخستنەوەی ئەوانەی هێشتا ئاوارەن و ئەوانەی گێڕانەوەیان سەختە."

سەرۆکی کاری ڕێکخراوی کۆچی نێودەوڵەتی لە عێراقدا، جیۆرجی گیگاوری، گوتی: "دەستنیشانکردنی چارەسەری ماوەدرێژ بۆ ئەو ئاوارە عێراقییانەی ڕووبەڕووی چەندان بەربەستی ئاڵۆز دەبنەوە لە گەڕاندنەوە و یەکخستنەوە و یان جێگۆڕینیاندا کاری لەپێشینەى ڕێکخراوی کۆچی نێودەوڵەتی عێراقە، بەوانەشەوە کە گومانى پەیوەندیکردنیان لێدەکرێت لەگەڵ داعشدا. ڕێکخراوی کۆچی نێودەوڵەتی پابەندە بە پشتیوانیکردنی کۆمەڵگاکان لە چارەسەرکردنى دابەشبوون و جیاکارییە کۆمەڵایەتییەکان و بەربەستەکانی تر لەبەرامبەر گەڕاندنەوەی ئاوارە ناوخۆییەکان وەکو بەشێك لە کارەکانمان بۆ بنیادنانی ئاشتەوایی و سەقامگیری."

دکتۆر سەعید ئەلجیاشی، ڕاوێژکار لە نوسینگەی ڕاوێژکاری ئاسایشی نیشتیمانی، گوتی: "کۆبونەوەکەی ئەمڕۆ جەختی خستە سەر ئاوارە گەڕاوەکان لە کامپی ئەلحۆپدا کە لە بنەڕەتدا خەڵكی پارێزگای ئەنبارن. ئێمە ڕێککەوتین لەسەر کاتێکی دیاریکراو بۆ ئاسانکاری گەڕاندنەوەی زیاتر لە ٢٠٠ خێزان و چارەسەری ئەو کێشانەى پەیوەندییان بەگەڕاندنەوەی خۆویستانەی خێزانەکان هەیە هەروەها لەو ناوچانەدا کە خێزانەکان بۆیان دەگەڕێنەوە و وەرگرتنی سەرنجەکان لە حکومەتی ناوخۆیی و سەرکردەکانی کۆمەڵگەوە."

لە ساڵی ٢٠٢٠ دا، بەرنامەی نەتەوە یەکگرتووەکان بۆ پەرەپێدان لە عێراقدا بەرنامەی پێکەوەژیانی کۆمەڵایەتی پێنج ساڵەی بەگەڕخست بۆ برەودان بە کۆمەڵگای بەهێزتر و ئاشتیخوازتر و لەخۆگرتر لە سەرتاسەری عێراقدا. پڕۆژەی ئاشتەوایى و یەکخستنەوەی کۆمەڵگا پشتیوانی لە ئامادەباشی کۆمەڵگە و گەڕانەوە و یەکخستنەوەی ئەوخێزانانە دەکات کە گومان دەکرێت پەیوەندییان بە داعشەوە هەبووبێت کە زۆرجار لە پەراوێزخراوترینەکانن، هەروەها کۆمەڵانی دۆخناسک و خێزانەکان لەو ناوچانەدا کە بۆی گەڕاونەتەوە.

 

بۆ زانیاری زیاتر، تكایە پەیوەندی بكەن بە:

میریام پینۆ، پسپۆری پرۆژەی داکۆکی و راگەیاندن، miriam.pineau@undp.org

009647901101982

یەکەی زانیاریی گشتی ڕێکخراوی کۆچی نێودەوڵەتی

ئیمەیڵ: iraqpublicinfo@iom.int

بەرنامەی نەتەوە یەکگرتووەکان بۆ پەرەپێدان له‌ سه‌رانسه‌ری جیهان

ئ

ئازەربایجان ئوزبێکستان ئوگاندا ئۆکرانیا ئیماراتى عه‌ره‌بى یه‌كگرتوو ئیندونێیسیا ئێران ئێریتریا ئێسیوپیا ئێل سالڤەدۆر ئێکوادۆر ئەرجەنتین ئەردەن ئەرمینیا ئەفغانستان ئەلبانیا ئەنگۆلا

ب

باشوورى ئەفريقيا باشوورى سودان به‌رنامه‌ى هاوكارى بۆ خه‌ڵكى فه‌له‌ستین بهوتان به‌ڕازیل بوروندی بۆتسوانا بۆركينا فاسۆ بۆسنيا وهه‌رسك بۆلیڤیا بیلا ڕوسیا بێلیز بەحرێن بەربێیدۆس بەنگلادێش بەنین

ت

تاجیکستان تایلەند ترينيداد وتوباگۆ ته‌نزانيا توركیا تورکمانستان تونس تيمۆرى ڕۆژئاوا تۆگۆ

ج

جامایکا جۆرجیا جیبوتی جەزائیر

ز

زامبیا زیمبابوێ

س

ساو تومى وبرينسيب سربیا سريى لانكە سودان سوریا سورینام سيراليۆن سۆماڵ سێنیگال سەمۆوا

ش

شانشينى ئیسواتینی شانشینى عەرەبستانى سعودی شمالي ماسەدەونيە

ع

عێراق

ف

فلیپین

ق

قوبرس

ك

كوێت كۆستا ريكا كۆسۆڤۆ كۆمارى ئەفريقياى ناوەند كۆمارى دۆمينه‌كان كۆمارى كۆنگۆ كۆمارى كۆنگۆى ديموكرات كۆماريى كۆريا ديموكرات كێيپ ڤێدى

ل

لاو لوبنان ليبيا لیبیریا لێسۆتۆ

م

مالدیڤس مالی مالیزیا مۆریتانیا مۆزەمبیک مۆنتەنەگرۆ میسر مینامار مەدەگەشکەر مەغریب مەلاوی مەنگۆلیا مەوریتیوس و سیچیل مەکسیک مەڵدۆڤا

ن

نامیبیا نوسینگه‌ى زەریای هێمن نیجێریا نیکەراگوا نێجر نێیپال

ه

هایتی هیند هیندوراس

ي

يێرەگوێى

پ

پاراگوای پاكستان پانما پاپوا نيو گوينا پیرو

چ

چاد چیلی چین

ڕ

ڕواندا ڕوسیای فێدرال

ڤ

ڤيێتنام ڤێنزوێیلا

ک

کازاخستان کامیروون کرواتیا کوبا کۆلومبیا کۆمۆرۆس کیرغیزستان کینیا کەمبۆدیا کەناری عاج

گ

گابۆن گامبیا گانا گواتەمالا گویانا گينيه بيساو گینیاى ئیستوائى گینێی

ی

یەمەن